Ora vi cuntu tuttu ill’iniziu
comu fu a storia ru nostru viziu,
quandu nu jornu n’ homu i rispettu
scindiu a Riggiu cu nu carrettu,
e bandiandu comu a nu pacciu
s’era jarmatu nu bellu spacciu.
«A milli liri, a milli liri…
cimi ‘ntoppati e tutti niri!!!»
e tutta a genti meravigliata
sa cattau pi fari ‘nzalata.
E non sapendu chi c’era nu ‘mbrogghiu
ci fu cu sa misi puru sutt’ogghiu.
E fu cusì chi na bella matina
l’homu i rispettu nisciu na cartina,
e comu nu magu ‘nta nu minutu
fici na cosa a forma i ‘mbutu,
intra ci misi i cimi niri:
«Viniti genti, faciti du tiri!!!»
E tutti in fila ‘nda stu carrettu:
«Comu mi sentu…mi fici effettu!!!»,
chiddu chi fu u chiù putruni
si fici du tiri i cartuni.
E fu cusì chi u mundu girava
chi sta ‘nzalata non si mangiava,
e fu cusì chi si passau o gran passu
ru ‘mbriacamentu si passau o scassu,
chi ‘ndu ‘mparammu ormai a memoria:
«Senti scusa ma fai na storia?»
i reci carti oppuri i ‘nettu
cerchi l’homu ru carrettu.
E poi a sira an mezzu all’amici
Ca storia ‘nte palli tutti felici,
nu paccu i Rizla, na sigaretta,
c’è l’autostrada chi ‘ndi spetta.
A storia ri stori finiu cusì
E non mi spiati pirchì!